أكدت الفنانة المصرية أنها لا تشرب الماء منذ سنوات، على عكس العديد من الفنانات اللاتي يؤكدن أن شرب المياه بكثرة هو سر رشاقتهن وجمالهن.

وقالت سماح أنور خلال لقائها في برنامج "كلام الناس" من تقديم ياسمين عز ويعرض عبر قناة mbc مصر: بقالي 17 سنة مشربتش ماء، لازم المياه ميبقلهاش طعم ولا ريحة، دي مواصفاتها، المياه كلها ليها طعم وليها ريحة دي مبشربهاش، لما باخد منها جسمي بيضايق وبطني بتوجعني.

وأكملت: مش لازم بس نشرب المياه، أحنا بناكل فاكهة وبناخد منها المياه ودي السكريات اللي بيحتاجها الجسم طول الوقت، ولو وقفت في الهواء الجلد بيشرب الرطوبة اللي في الهواء.

وتابعت الفنانة : المياه المعدنية ليها طعم وفيها شوائب، وكل ما أشرب المياه أتعب لكن لو شربتها مع عصير بيبقى عادي، وفي دكاترة هتختلف معايا وأنا موافقة لأن أنا مش متخصصة أنا بتكلم عن نفسي ومش باقول للناس محدش يشرب.

على جانب آخر، تشارك سماح أنور في مسلسل "الليلة واللي فيها" الذي يعرض عبر منصة "شاهد VIP".

وتدور أحداث مسلسل "الليلة واللي فيه" حول مهندسة ديكور تدعى (رشا) وتجسدها زينة، متزوجة من محمد شاهين في دور رجل أعمال يدعى "أيمن"، ولديها منه طفلان، لكن علاقتهما يصيبها الفتور في الشهور الأخيرة، ليتضح لاحقًا أنه يخون زوجته، فيما تقع هي في الأمر ذاته مع شخص تتعرف عليه في جلسات العلاج النفسي، وفي نفس الليلة تزورها حماتها ثم يعود زوجها من السفر أثناء تواجد صديقها بالداخل.

ومسلسل "الليلة واللي فيها" مكون من 6 حلقات. من بطولة زينة، محمد شاهين، مطرب الراب أبي يوسف، سماح أنور، علاء مرسي، آلاء سنان، بكري خالد، وعدد آخر من الفنانين الشباب. من تأليف محمد رجاء، وإخراج هاني خليفة في أول تعاون يجمعه بالفنانة زينة.

المصدر : وكالات