رد الفنانة المصرية شرين عبد الوهاب لأول مرة على التسجيل الصوتي الذي انتشر بشكل كبير على مواقع التواصل، وقال البعض إنه يعود لحسين حبيب والد زوجها الفنان حسام حبيب، والذي تحدث فيه عن ”مؤامرة ابنه لسرقة شيرين واستغلالها“.

ونشرت شيرين عبدالوهاب مقطع فيديو عبر صفحتها الشخصية في تويتر، كشفت من خلاله حقيقة تصريحات والد زوجها، قائلة :“عاوزة أطمن كل الناس اللي بتحبني وكل الناس الكويسين إني أنا بخير ومفيش أي نوع من الخطر عليا ولا على بناتي“.

 

وأضافت شيرين: ”بالنسبة للي حصل مش هينفع أرد عليه في كلمتين، واسمحولي أقول حاجة، حسام جوزي اللي أنا معشراه، ده من أنظف رجال الدنيا وإنسان محترم وإنسان متربي وبيحبني أكثر من نفسه وميستاهلش أبدا منكوا كم القسوة دي، بس أنا مدياكوا العذر عشان إنتوا متعرفهوش“.

وأكملت شيرين: ”بس عاوزة أقولكم إن الراجل اللي ربنا حطه في طريقي في الوقت اللي كنت فيه مكسرة ومدمرة، هو بنالي شخصيتي وخلاني بقيت بعرف أتكلم، رجعلي لنفسي ثاني الثقة، حسام ربنا هو اللي بعتهولي، وربنا مبيعمليش حاجة وحشة“.

وأوضحت قائلة: ”حسام بيحبني أنا وبناته أكثر من نفسه، والدليل من ساعة ما إتجوزنا مستفدشي لأي حاجة ومعملش لنفسه أي حاجة هو بس عايش عشان يسعدنا، والست حماتي اللي ربت راجل أخلاقه عاملة كده لازم تكون ست عظيمة، وبتمنى منكم تدعولنا بالذرية الصالحة وبقولكم مفيش أي حاجة من دي خالص“.

وكان أثار تسجيل صوتي، قيل إنه لوالد حسام حبيب زوج شيرين، ضجة كبيرة عبر مواقع التواصل بسبب ما جاء فيه من هجوم على شيرين، كما كشف عن ”مؤامرة حسام حبيب بشأن سرقة أموال من شيرين من البنوك والفيزا كارت“.

وتضمن التسجيل أيضا رغبة والد حسام حبيب في الزواج من أخرى دون علم شيرين عبدالوهاب، وأيضا إقناع الأخيرة بطلاق وهمي.

وحظيت الفنانة المصرية شيرين عبدالوهاب بدعم واسع من نجوم الفن وجمهورها، بعد تسريب المقطع الصوتي.

وعبر بعض نجوم الفن عن دعمهم لشيرين، ومن بينهم الفنانة اللبنانية نوال الزغبي، التي كتبت في تغريدة لها عبر حسابها في موقع ”تويتر“: ”كلنا شيرين عبدالوهاب، الفن الأصيل والقلب الأبيض بتلبقلا الحياة الحلوة منحبك كتير والله دائما معك“.

المصدر : ارم نيوز